عاجلة

وزيرة السعادة

بقلم سماح ابراهيم شمعه


بحلم وحلمى من زمان
انى طير جنحاته سلام
طاير فى دنيا صغيره
ناسها كتير متحيره 
بتمنى حبى يضلل ع الكون
والورود مفروشه 100لون
نفسي وزيرة السعادة اكون
اسعد قلوب الناس 
وادواى واطيب الجروح 
ويكون لى من الصحاب مليون 
ويكونوا ازهار عبيرها الصدق
وألوانها الخير يدى ويهدى للغير
بحلم وحلمى على ادى
ان القلوب تصون ودى
يا ترى ده عليا كتير
بحلم بحب كبييير
بدنيا كلها خير
وقلوب للعهود بتصون
ولا حد فيها يخون
بحلم ونفسي اكون
عروسه بحر تلف الكون
اسعد كل القلوب
وادى حنانى للمحروم
واهدى الحيارى
واكون امارة
لكل نجمه ليل 
على القلوب بتميل
توشوش بلغنا 
والهمس والمواويل 
واملك كل حمام 
السلام وللغلابه 
أهديه ومن نبع 
قلبى الود ارويه 
بحلم وحلمى سلام

عن admin

اضف رد

لن يتم نشر البريد الإلكتروني . الحقول المطلوبة مشار لها بـ *

*