عاجلة

عظماء في تاريخ مصر

ده د ” هشام عاشور ” مصري مدير مستشفى ايسارليون في ألمانيا ، وطبيب سرطانات النساء العبقري اللي لما تجيب اسمه قصاد الخبراء يقولولك ده مجدي يعقوب بتاع النسا ء والولادة …

هذا الطبيب :
من كتر الاخلاق و الادب اللي هو فيه كل ما يسلم على حد مهما كان يقوم يقف وينحني ينحني زي اليابانيين كدة قصاد اللي بيسلم عليه و عينه في الارض من الادب .

الراجل ده خرج من مصر بعد ما رئيس القسم بتاعه.. دكتور شحيبر ابو فازلين !!! قال له نصا وحرفيا “انا مش هشغلك حتى خدام عندي” !

والحقيقة ان رئيسه ده مشهور انه مجنون وبيضرب المرضى ، وإلى الآن بالمناسبة موجود في مستشفى جامعي شهير .

دكتور “هشام عاشور” لم الهدمتين اللي حيلته وهوووب طلع راح ألمانيا ومفيش في جيبه غير 4 الاف جنيه .

طلع بقى السلم من أوله وألمانيا بقت تحلف بحياته.

عينته مدير مستشفى ” إيسارليون” وهي بالمناسبة مستشفى “حكومي” .

المانيا اديته الجنسية الالمانية في مقابل تنازله عن المصرية رفع قضية على المانيا
عشان يحتفظ بجنسيته المصرية .

بيحكيلي د. هشام عن قانون في ألمانيا يمنع إعطاء الهدايا للأطباء، وازاي ان عائلة أمير سعودي جت تعمل عملية ، وازاي ان الأمير وهو ماشي أهدى الكل بما فيهم طقم التمريض ساعات رولكس .

ياخدوها؟ يلبسوها؟ لالالا

راح الكل مسلمينها للإدارة اللي “باعتها” ودفعت ضرايبها، وبالباقي طوروا المستشفى وجابوا أجهزة كانوا محتاجينها.

د.”هشام عاشور” جه مصر متبرعاً بالكامل بالكشف على حالات حرجة عدد منها لو كان كمل كانوا هيستأصلوا الرحم ، لكنه بفضل الله قال : فيه أمل .. وفيه حلول كتيرة غير استئصال الرحم..

دكتور” هشام “بعد ما قعد سنين ما ينزلش مصر.. اخر مرة وهو واقف معايا عند الرفاعي بتاع الكباب في السيدة.. عينه دمعت.. وقالي: يا اخي والله ما عاوز ارجع ألمانيا…

دكتور “هشام” بقى ينزل مرة كل تلات شهور يكشف ويعمل عمليات للغلابة ببلاش…
دكتور هشام حس ان مصر بتنده عليه.. ساب اللي وراه واللي قدامه وجه على ملا وشه…

دكتور” هشام” لقى مرة اتصال جايله من المستشفى .. احنا عارفين انك كنت يوم واحد يا دكتور ، بس فيه واحدة ست كبيرة قاعدة ع الباب وبتقول مش همشي الا لما يكشف عليا الدكتور” هشام” فنزل وراحلها وكشف عليها …

عن admin

اضف رد

لن يتم نشر البريد الإلكتروني . الحقول المطلوبة مشار لها بـ *

*