عاجلة

اثيوبيا ولا ليبيا “الجزيرة و القنوات التركية

الكاتب / جمال بدير

الجزيرة و القنوات التركية ” بتقول اثيوبيا .. يبقي اعرف علي طول ان ليبيا اولا .. اثيوبيا مشكلتها في سد خرساني مش هنصحي الصبح هنلاقيه بقي في اريتريا يعني ولا هيتحرك ولا هيروح في حتة ولا فترة المليء هتنتهي بكرة احنا بنتكلم في ٣ سنوات والي فجر رصيف حربي في اسرائيل بالقطع البحرية الي عليه قادر يعمل كده في سد النهضة والي قادر يفجر اكبر حفار في العالم في وسط البحر قادر يحول سد النهضة لفيضان من النيران و الخراب و الدمار والي وقع اكبر مانع ترابي في التاريخ ” خط بارليف ” بخراطيم المياه قادر يخلي السد النهضة يبقي كوم تراب فوق بعضه … والوقت معانا ومعندناش مشكلة لأني مطالبنا معروفة فترة المليء علي ٩ سنوات و حصة مصر الي بتوصل عبر اثيوبيا تكون ٣٧ مليار متر مكعب وضمان امان تشغيل السد .
الناس وافقت علي القرارات دي اهلا و سهلا رفضوا فالموضوع منتهي و النهاردة امريكا اعلنت انها بصدد توقيع عقوبات علي اثيوبيا بسبب مليء السد يعني لو عملت اي تحرك محدش علي المستوي الدولي هيفتح بقه عشان الكل عرف الموضوع وبقي مع الموقف المصري .. فاحنا معاهم في المفاوضات لغاية الاخر .. مع العلم انهم ليهم يحتجزوا ٩ مليار متر مكعب سنويا عشان يتملي علي ٩ سنين لو التخزين زاد متر واحد عن ال ٩ مليار خلاص كده الموضوع خلصان فاحنا فاهمين وعارفين كويس اوي امتي وازاي وفين يكون التحرك وعارفين اولويات الخطر كويس والقيادة عارفة بتعمل ايه .. وعارفة ترتب اوراقها و عاملة سيناريوهات وتصورات وخطط و خطط بديلة لكل شيء و الوقت معانا و الخطر مش هنصحي الصبح نلاقيه ونقدر في اي وقت نتعامل مع السد ده لو بعد سنتان كاملين لاقيت ضرر و كلامهم مش مظبوط هضربة وافتح المفايض بتاعتي واعوض الضرر الي حصل و اخلص الحوار .. فملف السد مفيش اي مبرر يخليني اتعامل فيه بتسرع وتهور نهائيا .

اما ليبيا :
فيه ٢٠ الف مرتزق و ميلشياوي وارهابي في البلد الي جنبك وعنيهم عليك و عايزين يسيطروا علي النفط الليبي عشان يكون معاهم فلوس عشان يصرفوا ويجهزوا نفسهم للمعركة معاك هو انت فاكر تركيا عايزة ليبيا ده انت تبقي راجل طيب وغلبان ليبيا دي محطة هيظبطوا نفسهم فيها عشان المصاريف وينقلوا قواتهم الجوية و البحرية فيها و يعملوا قواعد علي حدودك ويعملوا اتفاقيات بحرية مع ليبيا ويقولك يلا من هنا مفيش تنقيب عن الغاز في المتوسط وحقل ظهر بتاعنا ولو مش عاجبك تلاقي ال ٢٠ الف ميلشياوي بجانب قواعده العسكرية الي تبعد عنك ٢ كيلو دخلت خدت منك الغرب المصري زي سوريا و العراق وعملت رؤوس كباري ودخلت معاك في مواجهات مفتوحة امال انت فاكر ايه ياعم الحاج 😁 واضرب دماغك في الحيط بقي ساعتها .. ادام شمال سيناء حدودها مقفولة و الارهاب هناك مش بيخلص و بيقدروا يدخلوا ما بالك حدود تسيطر عليها تركيا ممتدة لمسافة الف و ٨٠٠ كم مع ميلشيات مدربة ومرتزقة مع غطاء جوي وبحري ومنظومات ارضية ودفاعات جوية و تسليح علي اعلي مستوي والفلوس بالهبل و ابار النفط شغالة علي اخرها وكله منتظر اللحظة .. هما عايزين منك تغفل بس لو نص ساعة عشان يحطوا عليك .. وتقولي اثيوبيا أهم لااا مش أهم ده سد خرساني قواتك الجوية تروح تفشخه وترجع وأنتوا لسه نايمين ومستحيل يكون فيه رد فعل لأثيوبيا لانها لا تمتلك ادوات رد الفعل .. اما ليبيا حضرتك في ٢٠ الف واحد واقفين وعلي استعداد لساعة الصفر عشان يدخلوا سرت و الجفرة .. الميلشيات هناك مش لاقيين مرتبات وبدءوا يضايقوا وكل واحد جاي ليبيا اعارة عشان يأمن مستقبله ب ٣ الف دولار شهريا فعايزين يحطوا ايديهم علي النفط في اسرع وقت عشان يفوقوا ليك .. النهاردة تركيا خدت من اليونان مكان أستراتيجي في البحر المتوسط للتنقيب علي الغاز ابحث وشوف الخبر ده هتلاقي ان تركيا دخلت عافية وحطيت ايديها علي جزء من الحدود البحرية لليونان وبدءت تنقيب فيه وكانت هتحصل مواجهات جوية النهاردة بينهم .. و شوف بقي الحدود المصرية تحتها مباشرة و محدش قادر يقرب منها ساعتها أفتكر لما الريس قال ” العفي محدش ياخد لقمته “

المستعمر التركي من الاخر هو متجنن منك من ساعة حقل ظهر وبعد ما افسد مخططات حزبه الاخواني في السيطرة علي العالم العربي .. فكل الاتراك مقتنعين ان الايام أثبتت ان العدو الحقيقي لهم والذي يقف امام احلامهم المريضة هو مصر ولكي يقوموا بالسيطرة علي غاز البحر المتوسط و نفط الدول العربية عليهم ان يقوموا بالاجهاز علي الدولة المصرية و الجيش المصري حتي يحققوا مخططاتهم في أنشاء الدولة العثمانية الكبري “

فنعم ليبيا أهم بكثير في هذا الوقت من اثيوبيا الي موضوعها ممتد معايا و مفهوش خطر مباشر .. اما دول عنيهم عليا ومستنيين اوطي او أنحني بس عشان أخد ١٠٠ الف سكينة في ضهري .. عشان كده الايام القادمة هتلاقي الجزيرة مع معتز وزوبع وناصر ومحمد علي ولجانهم الالكترونية بيتكلموا في اتجاه واحد فقط ” اثيوبيا و سد النهضة ونهر النيل ” و يصورلك ان ليبيا مفيهاش خطر عليك و الخطر جايلك من الجنوب عشان يشحنوا الشعب المصري للضغط علي قياداته وعمل حالة من البلبلة في الشارع المصري … عشان كده بنقولكم في الوقت ده الشعب مع قياداته ومع جيشه ويكون سند وضهر ليهم .. الايام دي مفيهاش حياد ولا فيها فذلكة … الناس دي بتكرهك وعايزة تدمرك وتنهب ثرواتك في البحر وتسيطر عليك في الغرب وتمول الارهابيين بالداخل وتعمل قنوات تشتمك في الخارج … الناس دي واخدة ليبيا خطوة ليك ليس اكثر او اقل .. الناس دي دخلت سوريا و العراق و ليبيا و مسيطرين علي قطر ودخلوا ارمينيا وواخدين حق قبرص و اليونان .. الناس دي عايزة تعمل معاك كده ومش عارفين فعامليين يجهزوا ليك مرة من الشمال ومرة من الشرق ومرة من الجنوب انتوا عارفين كام مقابلة رسمية تمت بين مسئوليين اتراك واثيوبيين الثلاثة شهور الماضية ١٢ مقابلة رسمية اخرهم من ٥ ايام
فهما عمالين يحفروا ليك ومستنيين اللحظة المناسبة الي هيزقوك فيها عشان تقع في الحفرة ..و رغم كل الصراعات الي هما داخلينها مطلعشي شاب تركي روش مثقف ومتفذلك يقول انا متدشي تفويض لدخول ليبيا وهاجم قياداته ..أحب اقولك انت مين ولا صفتك ايه ولا وزنك ايه يا عرة ده انت لو نار متسخنشي مكانك … احنا في وقت مفهوش قسمة علي اتنين اما ” مصري وطني واثق من جيشك وقياداتك وسند وضهر ليهم ” يا اما ” شخص عرة خاين لبلده ”
وفي النهاية : كونوا علي ثقة يا مصريين احنا أد التحدي و انا لمنتصرون .. ولن نهزم أبدا .. وسنظل نحن الصخرة التي يتحطم عليها كل اعداء العالم العربي من المستعمرين و الطغاه من اول المغول و الحملات الصليبية حتي أخر هزيمة عربية و اسلامية علي الكيان الصهيوني و اليهود سنة ٧٣ علي يد مصر 💪💪

عن admin

اضف رد

لن يتم نشر البريد الإلكتروني . الحقول المطلوبة مشار لها بـ *

*